Ministère fir Landwirtschaft, Wäibau a ländlech Entwécklung // D’Lëtzebuerger Regierung

Attributiounen

De Ministère fir Landwirtschaft, Wäibau a ländlech Entwécklung huet folgend Kompetenzberäicher: d'Liewensmëttelproduktioun an der Landwirtschaft, dem Wäibau an dem Gaardebau, d'Aspekter vun der Liewensmëttelsécherheet am Zesummenhang mat der Primärproduktioun an déi ländlech Entwécklung.

Eng modern, multifunktionell a virun allem nohalteg Landwirtschaft muss sech duerch d'Complementaritéit vun der Produktivitéit, dem Ëmwelt- an Déiereschutz, der Qualitéit vun de Produkter, den Aarbechtsplazen an enger ausgeglachener Raumuerdnung auszeechnen. Déi national Strategie fir dëse Secteur stëmmt mat de sechs Prioritéiten, déi an der Reglementatioun vum Europaparlament an dem Conseil iwwert d'Ënnerstëtzung vun der ländlecher Entwécklung duerch den Europäesche Landwirtschaftsfong fir d'Entwécklung vum ländleche Raum festgeluecht sinn, iwwerteneen.

Weiderliesen

Norichten

    Am Kader vun der nationaler Plattform fir d'Reduktioun vu Katastropherisiken, déi vum Inneministère geleet gëtt, huet den Aarbechtsgrupp "Vegetatiouns- a Bëschbränn", deen aus Experte vun de verschiddene kompetenten Autoritéite besteet, Verhalensreegelen opgestallt, déi wärend der Vegetatiouns- a Bëschbrandsaison anzehale sinn.

    Den 30. Mäerz 2023 huet d'Cour administrative d'Urteel vum Verwaltungsgeriicht confirméiert, mat deem d'Decisioun iwwer de Widderruff vun der Zouloossung vun aacht Planzeschutzmëttelen, déi de Wierkstoff Glyphosat enthalen, opgehuewe gouf. Dës Decisioun bréngt mat sech, datt d'Zouloossunge fir déi betraffe Planzeschutzmëttel ab dem Datum vun der Urteelsverkënnegung erëm gülteg sinn.

    Den 10. Mäerz 2023 organiséiert de Ministère fir Konsumenteschutz, zesummen mam Ministère fir Landwirtschaft, Wäibau a ländlech Entwécklung eng Konferenz zum Thema Ernierung: "Konferenz: Wat wäerte mir muer iessen ? D'Defien vun der Liewensmëttelproduktioun am Kader vun engem Konsum am Wandel".

landwirtschaft.lu

Fannt all Informatiounen iwwer d’Landwirtschaft, de Wäibau a landwirtschaftlech Produkter op eisem Landwirtschaftsportal.

antigaspi.lu

Zesumme géint d’Liewensmëttelverschwendung: Wat ee maache kann, fir manner Iessen ewechzegehäien.

bio2025.lu

Mam Aktiounsplang PAN Bio 2025 setzt Lëtzebuerg e staarkt Zeeche fir méi Bio an der Landwirtschaft.

securite-alimentaire.lu

Informatiounen iwwer d’Liewensmëttelsécherheet fir Professioneller a Konsumente fannt Dir um Portail vun der Sécurité Alimentaire.  

regionalsaisonal.lu

Informatiounen iwwer regional a saisonal Liewensmëttel, Rezepter, ee Saisonskalenner an ee Besuch bei eise Baueren